Изминативе неколку дена на COP26 во Глазгов, покрај Самитот на лидерите главна тема беше како и зошто дојдоа. Граѓанските активисти и борци за животната средина, нарекувајќи го дипломатско лицемерие доаѓањето и учеството на голем број на лидери на овогодишниот Самит против климатските промени, побараа одговор од претседателите присутни тука, во Глазгов, како мислат да влијаат на климатските промени ако продолжат да се возат со приватни авиони.

Имено, овие неколку дена граѓаните на Глазгов и Единбург покарј тоа што се домаќини на најпознатите свестки дипломати, се и сведоци на енормното загадување од 400те приватни авиони кои слетаа за лидерскиот самит. Според Sunday Mail, повеќе од 400 приватни авиони кои ги носат светските лидери и бизнисмени на Cop26 ќе исфрлат 13.000 тони CO2 во атмосферата, колку што исфрлаат шкотите за една година.

Експертите за климатската правда велат дека летовите со кои се донесени лидерите во Глазгов  ќе произведат повеќе гас за глобалното затоплување отколку што согоруваат 1600 Шкоти за една година.

Само колку за илустрација, американскиот престедател Џо Бајден слета со Ер Форс 1 – еден од двата авиони што придружбата на американскиот претседател ги користи за да патува низ светот.  Францускиот Cotam 001, ВИП на канадските воздухопловни сили, германскиот Конрад Аденауер, јапонскиот Air Force One, Air India One и израелското крило на Сион се само неколку од другите што слетаа на аеродромите во Глазгов или Единбург.

Мет Финч, од групата за кампањи за транспорт и животна средина, рече: „Просечно еден приватен авион, а не зборуваме за Air Force One, испушта два тони CO2 за секој час во лет.

„Приватните авиони се многу престижни, но тешко е да се избегне лицемерието да се користат додека се тврди дека се бориме против климатските промени. Да го ставиме во контекст, вкупниот јаглероден отпечаток на обичниот граѓанин – вклучително секаде каде што патува и сè што консумира – е околу осум тони годишно. Што значи дека патуавјќи на долг, приватен лет ќе се согори повеќе CO2 отколку што прават неколку нормални луѓе за една година“, изјави Финч.

Извори од воздухопловството на Велика Британија потврдија дека повеќе од 400 приватни авиони слетаа со над 1000 светски лидери, деловни директори и нивниот персонал на преговорите на Самитот за клима.

Додека Глазгов, Единбург и Прествик се грижат за најголем број на делегатите, помалите аеродроми се наменети специјално за приватните авиони и се препорачани за користење од организаторите на Cop26.

Се верува дека околу 100 од авионите превезуваат делегати од Европа – при што повеќето кружни патувања траат во просек четири часа – додека дополнителни 300 патувања на долги релации ќе траат приближно 20 часа во воздух.

Само колку за лустрација, просечно патување со приватен авион испушта 10 пати повеќе стакленички гасови по лице од истото патување на лет во економска класа и 150 пати повеќе од патување со железница.

Вкупните влијанија на затоплувањето од летовите со приватни авиони од аеродромите изнесува околу еден милион тони CO2 секоја година. И покрај шокантната еколошка патарина од воздушниот сообраќај, целото авионско гориво е ослободено од данок.

Портпаролката на Labor Net Zero, Моника Ленон, изреволтирана од однесувањето на свестките лидери, вели: „Да леташ со приватен авион додека тврдиш дека страсно се грижиш за справување со климатската вонредна состојба навистина е лицемерие кон  климата. Тоа е спротивно на она што сите овие национални лидери им кажуваат на луѓето дека треба да го прават – тие треба да водат со пример.“

И, портпаролката на Lib Dem Net Zero, Сане Дијкстра-Дауни, исто така ја критикуваше употребата на приватни авиони.

„Шкотската влада призна дека нашите климатски цели не можат да се исполнат ако сите летаат колку што летале порано. Изнесовме планови за наплата на честите летови, така што оние со приватни авиони или кои често патуваат го земаат табот за нивните емисии“.

Делегатите кои пристигнуваат во Глазгов на Cop26 се упатени на седум аеродроми, вклучително и два кои се грижат исклучиво за приватни авиони.

Д-р Даг Пар, главен научник за Гринпис, вели: „Секој лидер на богати нации и корпорации кои се упатуваат во Глазгов за да му објаснат на светот во развој зошто не можеме да си дозволиме да ги исполниме ветувањата што им ги дадовме во претходните преговори ќе звучи многу. поубедливо ако не пристигнат со приватни авиони“.

Метју Лоренс, директор на тинк-тенк за одржлива економија Common Wealth, рече: „Еколошките трошоци за патување со приватен авион се неверојатно високи.

„Тоа што толку многу присутни се одлучија да патуваат со авион кога беа достапни позелени алтернативи е загрижувачки почеток на конференцијата и знак за тоа колку треба да промениме“.

Н.Доковска