АТП Србија Опен привремено се сели во Бањалука, за период од една година, со цел во тој период да се надгради тенискиот центар „Новак“ во Белград.
Оваа година турнирот е закажан за средината на април, односно од 16-23 април оваа година
На овој начин во план е да се исполнат потребните услови за аплицирање за лиценца и евентуално домаќинство на АТП турнир од серијата 500.
-АТП ја прифати Бањалука како опција, бидејќи тој град е домаќин на предизвикувачи веќе 20 години. Тие се добро позната дестинација за тенисерите, таму играле многу квалитетни играчи, секогаш биле срдечно пречекани и верувам дека турнирот навистина ќе има голем успех – нагласи Ѓорѓе Ѓоковиќ.
Во Бања Лука требаше да се одржи турнир како дел од турнејата Адриа, а за таа прилика во овој град е изграден тениски комплекс.
– Беа подготвени да не пречекаат нас и најдобрите светски тенисери. За жал, тогаш работите не функционираа, но сакавме да им се оддолжиме и да им се заблагодариме и веруваме дека Бањалука апсолутно заслужува да биде домаќин на АТП турнирот во 2023 година – додаде Ѓоковиќ.
Некои од најголемите тениски имиња, меѓу кои и најдобриот тенисер во светот – Новак Ѓоковиќ, тенисерот кој една година претходно ја воодушеви публиката во Белград – Гаел Монфис (ФРА), како и поранешниот трет играч во светот – Станислас Вавринка (СУИ) го потврдија своето учество на овогодинешниот АТП турнир серија 250 – Србија опен. Во завршна фаза се преговорите со победникот на минатогодишниот турнир во Белград – Андреј Рубљев (РУС), како и со Карен Хачанов (РУС) и Френсис Тиафо (САД).
На публиката во Бања Лука ќе и бидат претставени најдобрите српски играчи кои им се добро познати на љубителите на тенисот на овие простори – Ласло Ѓере, Филип Краиновиќ и Душан Лајовиќ.
Русинот Андреј Рубљов е актуелен победник на „Србија опен“, кој минатата година во финалето го совлада Ѓоковиќ со 6:2, 6:7, 6:0.
Н.Д.
