Шпанскиот тенисер Carlos Alcaraz и белоруската тенисерка Aryna Sabalenka се добитници на престижните Лауреус награди за најдобар спортист и спортистка во светот за 2026 година, додека фудбалскиот клуб Paris Saint-Germain (ПСЖ) е прогласен за најдобар тим.
Алкараз ја заслужи наградата по извонредната сезона во која освои неколку Гренд слем титули и ја потврди својата доминација на светската тениска сцена. Сабаленка, пак, имаше импресивна година во женска конкуренција, освојувајќи големи турнири и завршувајќи како светски број еден.
ПСЖ ја доби наградата за тим на годината благодарение на историскиот успех и освојувањето на Лигата на шампионите, со што францускиот клуб за првпат се искачи на европскиот врв.
На свеченоста беа доделени и други признанија. Возачот Lando Norris ја освои наградата за пробив на годината, додека голферот Rory McIlroy беше прогласен за камбек на годината. Младиот фудбалер Lamine Yamal ја доби наградата за најдобар млад спортист.
Лауреус наградите традиционално се сметаат за најпрестижни признанија во светот на спортот, а често се нарекуваат и „Оскари на спортот“.
Ф.С.
