Две години откако Сабато де Сарно беше именуван да ги преземе креативните узди на Гучи, неговите напори да ја оживее побарувачката за италијанскиот мегабренд престанаа. Компанијата го најави неговото заминување во четврток, само неколку дена пред сопственикот на брендот, компанијата Керинг, да ги објави годишните резултати од работењето. Гучи, најголемиот и најпрофитабилен бренд на Керинг, е во постојан пад, со 26% помали приходи во третиот квартал во споредба со истиот период минатата година.
Заминувањето на Де Сарно стапува на сила веднаш: неговите дизајни нема да се појават на пистата за време на Миланската модна недела подоцна овој месец. Наместо тоа, колекцијата што ќе биде изложена за време на ревијата на женска облека на Гучи на 25 февруари ќе биде дизајнирана од дизајнерското студио, се наведува во соопштението на брендот.
Иако изненадно, заминувањето на Де Сарно не беше неочекувано. Неаполскиот дизајнер беше именуван да врати постабилно, покласично чувство на естетиката на Гучи; противотров за радикалната, максималистичка естетика на неговиот претходник, Алесандро Микеле, која доведе до огромна продажба – додека траеше.
Сепак, среде пошироко забавување на побарувачката за луксуз по пандемијата, посуздржаниот пристап на Де Сарно не успеа да создаде ни приближно толку возбуда како Микеле.
Н.Д.
