Десетдневниот фестивал на дигитален филм, во продукција и организација на глобалната медиумска компанија „Tribeca Enterprises“, е покренат со вербата дека уметниците и креаторите можат, во клучните моменти, да го обединат светот, да поттикнат значајна коегзистенција и во суштина да ги поврзат луѓето. Фестивалот „We Are One“ (Ние сме едно) ќе им овозможи на гледачите не само да учат за различни култури од нова перспектива, туку и да направат директни донации за да им помогнат на локалните заедници ширум светот погодени од пандемијата на вирусот КОВИД-19.
Како и во случајот со неодамнешниот глобален концерт „Еден свет: Заедно дома“, кој собра донации од околу 130 милиони долари, фестивалот „We Are One“ ќе ги насочи сите собрани пари до Фондот за солидарност на СЗО, како и до локалните добротворни цели ширум светот.
На каналот „YouTube.com/WeAreOne“ ќе има филмови во избор на фестивалите во Анси, Берлин, БФИ во Лондон, Кан, Гвадалахара, Макао, Ерусалим, Мумбаи, Карлови Вари, Локарно, Маракеш, Newујорк, Сан Себастијан, Сараево, како и Санденс, фестивалот во Сиднеј, Токио, Торонто, Трибека, Венеција и многу повеќе.
„Честопати велиме дека филмот има единствена моќ да ги инспирира и обедини луѓето, без оглед на сите разлики и граници, а со тоа да придонесе и за заздравување на светот“, рече извршниот директор на Трибека Ентерпрајз и ко-основач на филмскиот фестивал Трибека во Њујорк, Џејн Розентал.
Фестивалот „We Are One“ ќе собере селектори на филмови, уметници и автори за да ја забавуваат и утешат публиката низ целиот свет, рече Џејн Розентал, која ја основа компанијата „Трибека ентерпрајз“ во 2003 година со Роберт де Ниро. Таа, исто така, изрази надеж дека гледачите ќе имаат можност да откријат што го прави секој филмски фестивал единствен и да ја сфатат вистинската важност на уметноста и моќта на филмот.
„Она што ги прави луѓето ширум светот вистински уникатни и инспиративни е човечката способност да се обединат и да доживеат различни искуства како заедница, што е суштината на Глобалниот филмски фестивал „ We Are One“, рече главниот директор за деловни активности на Јутјуб Роберт Кинкл. „Со „Трибека ентерпрајзис“ и нашите неверојатни партнери, љубители на филмот, сакаме да направиме, во текот на десетте дена на фестивалот, да им пристапиме на филмовите што се избрани внимателно избрани од селекторите на фестивали кои учествуваат во оваа иницијатива. Нешто вакво никогаш не било организирано и ние сме горди што имаме можност да бидеме домаќини на вакви фантастични содржини и да ги понудиме бесплатно на гледачите ширум светот“, додаде тој.
Претседателот на Канскиот филмски фестивал, Пјер Лескур и директорот Тиери Фремо, исто така, ја истакнаа важноста на овој глобален инлајн филмски настан.
„Ние сме горди да соработуваме со другите партнерски фестивали во обид да претставиме вистински неверојатни филмови и уметници пред глобалната публика и да им овозможиме да ги искусат филмските приказни од целиот свет во својата суптилност, како и да го откријат уникатниот уметнички карактер на секој поединечен филмски фестивал“, рекоа Лескур и Фремо.
Глобалниот филмски фестивал ќе се одржи на ЈуТјуб каналот „WeAreOne“ од 29 мај до 7 јуни и ќе и овозможи на публиката слободен пристап до сите играни, кратки и документарни филмови, мјузикли, комедии и разговори опфатени со програмата.
Деталната фестивалска програма ќе биде претставена во пресрет на фестивалот. А.Н.
