Убавиот изглед на лицето без брчки денес го претставува идеалот за убавина. Појавата на овие несакани нерегуларности на лицето е под влијание на бројни фактори, а еден од нив е диетата.
Постои храна што помагаи кожата да изгледа помлада, но има и храна што го забрзува стареењето и доведува до несакани брчки. На пример, пржената храна е полна со сол, ослободува слободни радикали кои ја намалуваат еластичноста и доведуваат до побрзо стареење на кожата. Јадења како што се помфрит или пржено месо треба да се избегнуваат ако сакате убаво и светло лице.
Исто така, треба да се избегне белиот шеќер. Оваа храна содржи штетни состојки кои доведуваат до губење на колаген во кожата што го забрзува стареењето. Особено слатките можат да направат голема штета, затоа обидете се да ги замените со овошје или евентуално темно чоколадо.
Голема количина сол што се внесува преку храната може да доведе до дехидрација и да ја исуши кожата. Затоа преработените производи од месо се целосно забранети ако се грижите за убавината и здравјето.
Конечно, кофеинот и алкохолните пијалоци содржат супстанции кои го уништуваат колагенот на кожата. Конзумирањето на овие пијалоци доведува до појава на брчки и темни кругови под очите, што го нарушува изгледот на лицето. Ако навистина не можете да ги избегнете, обидете се да ги конзумирате во ограничени количини и не претерувајте.
Убавината и здравјето најмногу зависи од тоа што го земаме во нашето тело, така што правилната диета е најдобриот начин за спречување на несакани ефекти врз кожата и лицето. Оваа храна не само што доведува до брчки и предвремено стареење, туку може да предизвикаат и други компликации како што се акни и мозолчиња, проблеми со дигестивниот тракт и кардиоваскуларни заболувања.
Ал.Н.