Секој родител бара начини да го зајакне имуниот систем на своето дете поради пандемијата со КОВИД-19. Постојат оние со двојно искуство во одржување на здравјето на децата. Ова се мајките кои се и доктори. Вредно е да ги научиме нивните трикови и да ги заштитиме нашите семејства од болести, пишува ohnamama.bg. Мајките докторки своите деца од вирусот ги штитат на следниов начин:
- Покријте ги четките за заби – Сигурно е многу важно да бидете сигурни дека децата ги мијат забите два пати на ден, но четките за заби можат да бидат совршено место за размножување на микробите, а хигиената на забите може да влијае на другите области и врз здравјето и имунитетот.
„Знаеме дека устата е главниот влез за инфекции во воздухот и дека членовите на нашето семејство можат да се заразат и да се инфицираат меѓусебно со миење на забите со валкани четки за заби ако останат незаштитени. Овој вид вкрстена контаминација е нешто што можете да го избегнете заштитувајќи ја четката за заби “, вели д-р Даниел Гилберт-Фаулер, детски стоматолог.
2. Вметнете повеќе овошје и зеленчук во дневното мени – Да, звучи очигледно, но не може да се одрече: на децата им треба свежо овошје и зеленчук за да го задржат имунитетот и да ги добијат потребните хранливи материи, советува педијатарот д-р Лиза Луис.
„Внесувам овошје и зеленчук во храната на моето семејство во текот на целата година кога и да е можно. Овие се најдобрите супстанции за градење на природен имунолошки систем што ги знаеме “.
3. Научете ги како правилно да ги мијат рацете – Во случај да не сте ја чуле статистиката девет милиони пати оваа година: редовно мијте ги рацете! И научете ги вашите деца како да го сторат тоа правилно. Рачки на вратите, работни маси и јавен превоз – сите тие се полни со микроби и можат да пренесат вируси.
4. Научете ги да не си го допираат лицето – Ова е уште еден трик што сите сме го слушнале повеќе пати. Бактериите (и вирусите) можат да се шират низ целото лице од вашите раце, што може да влијае на вашиот имунолошки систем. Особено ако се мешате со прстите во устата или ги допирате усните.
„Научете го вашето дете да не ги допира очите и устата и да не го трие носот. Било какви микроби на нивните раце можат да се шират директно на мукозните мембрани и брзо да се апсорбираат во крвотокот. Потсетувајте го вашето дете да користи марамче ако сака да го истрие носот, тоа исто така помага “, советува педијатарот д-р Алисон Мицнер.
5. Одредете време за спиење – Не дозволувајте вашето дете да добие навика да гледа телевизија премногу доцна во ноќта. „Бидете сигурни дека вашето дете доволно спие. „Спиењето е важно од многу причини, а една од нив е што недостатокот на сон може да влијае на имунолошкиот систем“, вели д-р Мицнер.
„Ако не спиете доволно, голема е веројатноста да се разболите ако сте изложени на вирус – и исто така е потребно подолго време да се опоравите ако се разболите“, додаде таа.
Ал.Н.