По летните хитови, кои тој и ги подари минатото и ова лето на својата повеќе децениска публика, но и на новите обожавателки и обожаватели, музичкиот уметник Блаж Маротов го објавува своето соло цеде “Среќа барам”, со актуелните забавни хитови, што ќе го промовира утревечер во “Еквилибриум “.
Во нив ќе најдете без исклучок седум нежни џентлменски песни, во кои провејува Љубовта како главна тема, медитеранскиот, но и латино дух и пред се духот на македонскиот шлагер и евергрин, на кој овој мултиталентиран уметник е посветен целиот свој живот, преку своите инструменти и својот глас.
Се она што Маротов како музичар, изведувал и професор по музика го има стекнато како знаење и искуство во својата богата кариера во изминативе децении, овој пат посветено го внесе во најновите мелодии, кои со гордост потенцира дека беа хитови кои го одбележаа минатото, а и ова лето.
Песната “Роман за нас” минатата година го достигна максимумот во обожаваност кај публиката, а во чекор ја следеше и латино песната “Бенг, бенг”.
Ова лето со засилено темпо авторот и изведувач ги испеа ” Прекрасен ден”, “Налеј една”, “Ти си таа” и “Еј среќо” , но направи и нова верзија на “Не е љубов тоа”.
На Радио Буба Мара, на Македонско радио-Радио два минатата година одекнува неговите хитови, а песната “Ти си таа” посветена на својата сопруга Јуле Маротов сега е актуелен хит, заедно со “Налеј една” на познатото скопско Скај радио.
Неговите мелодии, во кои на сите инструменти ги точи нотите отсвирени како капки во бистра вода, се лесно прифатливи и му даваат силен печат на целокупната досегашна богата музичка кариера, во земјава и низ регионот. И се вовед во еден уште поголем и позначаен проект со етно мотив, кој ќе ни го претстави наскоро.
На промоцијата ќе бидат изнесени сите детали од создавањето на песните, и спотовите на овој албум, а во придружба на своето музичко семејство, присутните ќе имаат можност нешто да слушнат од неговиот репертоар во живо.
БЛАЖ МАРОТОВ
СРЕЌА БАРАМ
1.Еј Среќо..(2,38’)
-Музика и текст. Горан Стојановски
Аранжман. Благој Маротов
2.Ти си таа.. (3,42’)
Музика и аранжман Блаж Маротов
текст. Цане Трајчевски
3.Роман за нас (3,46’)
Муз.текст и арр.Блаж Маротов
4.Налеј една.. (4,16’)
Музика и аранжман Блаж Маротов
текст Дејан Георгиевски
5.Бенг,бенг.. (3,46’)
Муз.текст и арр Блаж Маротов
6.Прекрасен ден (3,20’)
Муз.текст и арр. Блаж Маротов
7.Не е љубов тоа (4,00’)
Музика и аранжман Блаж Маротов
текст. Ѓеорги Барбаровски
Материјалот е снимен во студио “БиМ” во периодот Март 2020 до Август 2021, програмирање и изведба Б.Маротов, гитари-Бато, вокали Џули Маротов, Лена Заткоска-Маротов, Блаж Маротов.