Од ноќеска на полноќ горивата ќе се продаваат по нови, намалени цени, соопшти Регулаторната комисија за енергетика (РКЕ). Цената на бензинот БС-95 се намалува за половина денар за литар, на БС-98 за два денари за литар, а цената на дизелот ќе биде пониска за еден денар за литар.
Со новата одлука бензинот БС-95 ќе се продава за 74 денари за литар, бензинот БС-98 ќе чини 76,50 денари за литар, а дизелот ќе се продава за 68,5 денари за литар.
Екстра лесното масло за домаќинство ќе чини 67,50 денари за литар.
Се намалува и цената на мазутот за 0,306 денари за килограм и од полноќ ќе се продава за 43,507 денари за килограм.