вторник, јуни 18, 2024
домаЖивотЗдравјеЧитајте каква маска за заштита од пренос на вируси се препорачува?

Читајте каква маска за заштита од пренос на вируси се препорачува?

Побарувачката за нано-маски преовладуваше во времето на појавата на птичјиот грип. Со доаѓањето на новиот мексикански вирус, тие повторно станаа еден од најбараните производи ширум светот. Деновиве, пак, како се зголемува бројот на заразени од корона вирусот во и надвор од Кина, заштитните маски стануваат сè побарани, па во некои градови, како што е Шангај, се соочуваат со недостиг.
Но, лекарите велат дека маските го намалуваат ризикот од инфекција, но не претставуваат апсолутна заштита. Тие исто така советуваат дека маските треба да ги носат само групи со ризик.

Улогата на заштитните маски повтоно стана актулена, како и прашањето кои од маските навистина штитат. Зимскиов период и низ Скопје може да се сретнат многу граѓани кои користат заштитна маска како заштита од загадениот воздух.

Прашањео кое се погласно се поставува е која е вистинската заштитна маска?

Хируршките маски се широко распространети и служат за заштита на луѓето од инфекции од разни видови, како и штетни честички од загаден воздух. Сепак, епидемиолозите се скептични за нивната ефикасност во спречувањето на инфекција, особено кога станува збор за вируси во воздухот. Научните студии покажуваат дека тие всушност можат да спречат пренесување на вирусот од рака на уста.

Д-р Дејвид Карингтон, од Универзитетот Saint George, Факултет за медицина во Лондон, за Би-Би-Си изјави дека обичните хируршки маски не се ефикасни против вируси и бактерии во воздухот, бидејќи тие се премногу широки, односно не се придржуваат добро кон устата и носот. како и затоа што немаат филтри и не ги штитат очите. И покрај овие недостатоци, овие маски, тој верува, можат да помогнат во намалувањето на ризикот од вирусот што се пренесува преку кивање или кашлање, како и пренесување од рака на уста.

Според една студија од 2016 година, откриено е дека во просек, едно лице го допира лицето 23 пати на час, што значи не е лесно да се носи маска за подолг период. Поради оваа причина, лекарите веруваат дека можат да се добијат подобри мерки за хигиена и заштита од пренос на вируси.

„Покријте ја устата кога кивате, измијте ги рацете со топла вода и сапун и не ставајте ги на устата без претходно да ги измиете, избегнувајте да ги допирате очите и носот – со тоа може да го намали ризикот од кој било респираторен вирус“, велат лекарите и додаваат дека има малку докази за поддршка на распространетата верба дека маските штитат од пренесување на вируси, освен кога станува збор за клинички услови. Лекарите исто така потсетуваат дека маските треба да се носат правилно и да се менуваат често.

Експертите велат дека носењето маски им се препорачува на граѓаните само кога се прогласува епидемија, но треба да се знае дека ако маската се користи неправилно, таа само може да го зголеми ризикот од пренесување на инфекцијата.
Затоа, многу е важно да се обрне внимание на препораките за употреба, отстранување на употребената маска и како истата да се уништи. Таа препорака беше објавена и од Светската здравствена организација. Во неа, меѓу другото, се наведува дека маската треба внимателно да се постави над устата и носот, по што треба да биде цврсто прицврстена за да се минимизира просторот помеѓу лицето и маската.
»Воздржете се од допирање на маската додека ја носите. Секогаш кога ќе допрете користена маска, измијте ги рацете со вода и сапун, или со миење со алкохол “, се наведува во препораката. Исто така, во предупредувањето се вели дека откако маската ќе стане влажна, таа веќе нема заштитна функција, па затоа е неопходно да се замени со нова, сува маска. Секако, има забелешка дека маските се за еднократна употреба и не треба да се користат постојано.
На веб-страниците на светските производители на нано маски може да се прочита дека не треба да се носат подолго од 6 до 8 часа, затоа што по тоа време ги губат заштитните својства. Исто така, се наведува дека откако ќе се извади, маската треба да се изгори за да се осигури дека вирусите се уништени и дека тие не можат да се шират понатаму.

Посебна претпазливост се дава и на тоа како се чуваат чисти маски. Така, на пример, се води посебна грижа за да се осигура дека маските не треба да се носат во пластични торбички, бидејќи микроорганизмите можат да се пренесат во маската, на која торбичката е загадена.
До колку одлучите да користите маска за заштита од грип, докторите предлагаат тоа да биде нано маска, а не хируршка маска. Разликата е во тоа што  епидемиолошките, нано маски имаат и дополнителен филтер направен од наноматеријали и сребрени честички, кои ја неутрализираат негативната честичка од вирусот со нивната позитивна енергија. Читајте ги ознаките и по нив бирајте,  на пример маските со ознака N95 заштитуваат од 95 проценти од честичките во воздухот, N99 заштитуваат од 99 проценти од честичките, додека N100 штитат од 99,97 проценти од честичките во воздухот. Сите овие маски штитат од честички, но не ги елиминираат и мирисите на издувните гасови.

МОЖЕБИ ЌЕ ВЕ ИНТЕРЕСИРА!

ПОСЛЕДНИ ВЕСТИ