понеделник, јуни 17, 2024
домаЖивотЗдравјеКорона деноноќие: Патникот од Германија негативен на корона вирусот, пуштени дома и...

Корона деноноќие: Патникот од Германија негативен на корона вирусот, пуштени дома и неговите сопатници

Патникот кој денеска со авион пристигна од Германија и беше тестиран е негативен на корона вирусот, соопштија од Министерството за здравство.

Патниците кои седеле во негова близина во авионот, а кои беа задржани во изолација на аеродромот во Скопје, се пуштени дома со препораки за задолжително придржување кон мерките и препораките, кои важат за сите патници кои пристигнуваат во земјата, се вели во соопштението.

Во текот на денов, согласно одлуката на Владата, од два патнички авиони на скопскиот аеродром пристигнати од ризични земји беа вратени вкупно 26 странски државјани.

Во меѓувреме попладнево, на корона вирус се тестирани уште 8 пациенти меѓу кои и една медицинска сестра со индикации на болест од Клиниката за инфективни болести и фебрилни состојби. Сите тестови се негативни на вирусот, соопштуваат од Министерството за здравство.

Четворицата пациенти од Дебар позитивни на вирусот, се уште се во Дебар во стабилна состојба и утре ќе бидат донесени во Скопје и хоспитализирани на Клиниката за инфективни болести и фебрилни состојби. А.Р.

МОЖЕБИ ЌЕ ВЕ ИНТЕРЕСИРА!

ПОСЛЕДНИ ВЕСТИ