Жителите на Краков се разбудиле со мирисот на кафе од улиците затоа што градската служба се сетила со кафе да ги попрска снежните и заледени површини. Се огласило и градско зеленило со објаснување дека кафето е добро за животната средина и неговите остатоци се поевтини од солта.
Оваа одлука ги развеселила жителите и сопствениците на кафулиња, кои сега не мора да ги фрлаат остатоците од кафето во ѓубре, пренесува „Франс прес“.
Уште една добра причина за истурањето остатоци од кафе е дека кафето, за разлика од солта, не е штетно за кучињата.
Повеќе од 50 кафулиња одговориле на повикот и ги доставиле собраните остатоци од кафе до градското зеленило во Краков. А.Н.
