Од своето започнување пред 124 години во Франција, Мишелиновиот водич останува најпрестижниот светски систем за оценување на ресторани. Ресторани ширум светот кои се избрани во овој водич нудат исклучително висок квалитет на храна и услуга, а тоа истото важи и за цените. Сепак, постојат и подостапни ресторани со Мишелиново признание, што го потврдува и најновото истражување. Од земјите во регионот, Словенија се најде на листата на најприфатливите.
Според истражувањето на меѓународниот магазин за храна Chef’s Pencil, Словенија се наоѓа меѓу најприфатливите земји во Европа за посета на ресторани со Мишелинови ѕвезди. Просечната цена на оброк во овие ресторани во Словенија изнесува нешто помалку од 140 евра по лице, што ја позиционира земјата на листата на достапни дестинации за гурмански искуства.
Во споредба, Малта е најповолната опција со просечна цена од околу 125 евра по лице, додека Грција е втора со 132 евра. Словенија, заедно со Белгија и Турција, се наоѓа меѓу земјите каде што оброк во наградуваните ресторани изнесува под 140 евра.
Овие податоци укажуваат дека Словенија нуди висококвалитетни кулинарски искуства по релативно прифатливи цени, што ја прави атрактивна дестинација за љубителите на гастрономијата.
Новото истражување на меѓународниот магазин за храна Chef’s Pencil покажува дека посетата на еден од овие извонредни ресторани не е евтина, со просечна цена по лице од 167 евра. Ова не ги вклучува цените на пијалоците, дополнителните трошоци или бакшишите. Треба да се спомене дека од 2024 година, во Мишелиновиот водич има над 3.500 ресторани во повеќе од 40 земји ширум светот.
Како што е случај и со други нешта, Европа е дом на најскапите ресторани во светот со Мишелинови ѕвезди. Меѓутоа, таа исто така е и место каде што може да се најдат најприфатливите ресторани.
Каде се најскапите ресторани со Мишелинови ѕвезди во Европа?
Мишелиновиот водич ги рангира рестораните од една до три ѕвезди, во зависност од квалитетот на храната и искуството што го нудат. Цените исто така варираат во зависност од бројот на ѕвезди, при што цената во просек се зголемува за околу 93 евра по лице за секоја дополнителна ѕвезда.
Данска не е само во Европа, туку и најскапото место во светот за вечера во ресторан со Мишелинова ѕвезда. Еден оброк, обично врвен дегустациски мени, во оваа нордиска земја изнесува просечно 295 евра по лице. Ако ресторанот се наоѓа во Копенхаген, цената се искачува до неверојатни 416 евра. Иако е релативно мала земја, Данска има 32 Мишелинови ресторани, вклучувајќи два со три ѕвезди.
Исланд е на второ место, со просечна цена на Мишелинов дегустациски мени од 233 евра по лице. Следат Шведска, Австрија и Швајцарија со цени од 206, 203 и 201 евра по лице, соодветно.
Норвешка, Португалија, Германија, Унгарија и Полска се исто така меѓу првите 10 најскапи земји, но цените на дегустациското мени во нивните ресторани се под 200 евра по лице, што ги прави малку подостапни од првите пет.
Каде се најевтините ресторани со Мишелинови ѕвезди во Европа?
Во Европа, покрај најскапите, се наоѓаат и најевтините ресторани со Мишелинови ѕвезди. Малта е дефинитивно најповолната опција. На Малта има пет ресторани со вакво одликување, а цената на оброкот е во просек околу 125 евра по лице.
Грција е втората најевтина опција во Европа со просечна цена од 132 евра за оброк во еден од 12-те Мишелинови ресторани, сите лоцирани во главниот град Атина, додека водичот сѐ уште треба да го прошири своето покривање низ целата земја.
Меѓу Малта и Грција, Кина е на четвртото место. Оваа огромна азиска нација нуди оброк за 128 евра по лице, со листа од дури 122 ресторани со ѕвезди.
А.Н.
