Издавачката куќа „Прозарт медиа“, организатор на Интернационалниот литературен фестивал ПРО-ЗА Балкан и на Скопје Фелоушип програмата, присуствува на најзначајниот Саем на книга за деца во светот, во Болоња, Италија.
Прозарт медиа е поканета од Саемот, во рамки на престижната „Invitation program“, заедно со четириесетина други одбрани издавачи од целиот свет. Во рамки на оваа програма, Саемот обезбедува и штанд за „Прозарт медиа“, на којшто издавачот ги претставува своите изданија, неколку македонски писатели, како и фестивалот ПРО-ЗА Балкан и Скопје фелоушип програмата, а има и бројни средби со издавачи од светот.
Во Болоња, издавачката куќа ја претставува основачот и уредник, Дејан Трајкоски.
Меѓу другите активности, Трајкоски е поканет да биде и рецензент во програмата „Портфолио ривју“. Тој настан е дел од официјалната програма и објавен на веб страницата од Саемот.
Во 2022 година, „Прозарт медиа“ присуствуваше во слична програма и на најголемиот Саем на книгата во светот, во Франкфурт.
