Според новата листа на Omio, која вклучува над 6,000 одморалишта ширум светот, најдобрите скијачки дестинации се наоѓаат токму во Европа. Од топ 20-те, Швајцарија има пет, додека Австрија доминира со дванаесет скијачки центри. Ова истражување ги зема предвид бројни фактори како што се цените на билетите, оценките од посетителите, достапноста на ски училишта, должината на патеките, и бројот на настани што се организираат во текот на сезоната.
На врвот на листата се најде швајцарското одморалиште Arosa Lenzerheide, сместено во регионот Ленцерхеиде на источниот дел од земјата. Со билет од 30 евра, одморалиштето нуди достапност и можност за уживање во врвни содржини. Неговите 91.73 поени на листата го прават најдобриот избор за љубителите на зимските спортови.
Arosa Lenzerheide располага со 225 километри скијачки патеки, 43 жичари, и седум уникатни настани, вклучувајќи го и Светскиот куп во скијачки крос и Swiss Snow Walk and Run. Додека цените на картите се малку повисоки од другите одморалишта – 89 евра за возрасни, 59 за млади и 29 за деца – тоа што го добивате е неспоредливо: врвни патеки, автентичен планински амбиент и удобни ресторани за одмор.
Во овој ексклузивен список, покрај Швајцарија и Австрија, наоѓаат место и скијачки центри од Италија и Франција. Интересно е што во истражувањето е спомната и Србија, каде одморалиштата како Копаоник нудат квалитетно скијање и сместување по пристапни цени.
Ф. С.
