Неговата ќерка Мина Алексиќ пред неколку дена објави тажна порака на Фејсбук за состојбата на нејзиниот татко. Веруваше дека ќе се опорави.
– Мојот Миша се здоби со ковид и е на апарати за дишење 3 дена. Секој час е негова борба за живот, како мојот и на мојата мајка. Миша би сакал сите наши драги луѓе да знаат дека се бори како лав. Тој би сакал сите луѓе што го сакаат и го почитуваат како мајстор на рок овие денови да бидат со нас и да веруваат дека ќе го победиме во ***н Ковид.
– Сите мислевме дека е шега и до пред две недели седев со моето семејство на ручек и се смеевме дека не сакаме да носиме маски и разговаравме каде да одиме на забава или ручек. Сега сум оставена сама, со двајцата родители во болницата. Исплашена, но и храбро верувам во среќа и добра енергија. Ве молиме, испратете ја најсилната енергија до универзумот заради Миша и оставете го да биде на сцената со гитара што побрзо! – напиша Мина Алексиќ покрај заедничката фотографија со нејзиниот татко.
И Бајага кој е долги години пријател со Алексиќ пред неколку дена напиша на неговиор фејсбук профил:
– Држи се, куме, стар мајсторе. Досега успешно поминавме многу работи, затоа сум сигурен и верувам дека ќе го победиш и ова зло. Веднаш штом се опоравиш, те чекаме на пробата на Таша. Знаеш дека има некои работи што не вреди да се играат без тебе. Бајага и тимот те сакаат – се наведува во пораката на Бајага и Инструктор на Фејсбук.
Но, како што пренесуваат српските медиуми не издржал организмот на славниот басист Миша Алексиќ.
А.Н.