Денеска на 82-та владина седница се очекува да се донесе одлука за условите под кои ќе работат градинките. Дали ќе има конечно решение или не се уште не е познато, но родителите се во исчекување на одлуката, која патем беше најавена за минатиот четврток. Дали одлуката ќе ја однесе Владата во заминување чија последница седница се одржува денеска преку видео конференција или ќе се чека на новата влада, останува да видиме.
Она што се уште никој не им го објаснува на родителите е што со оние деца за кои нема да се најде место во градинките и што треба да потпишуваат родителите при упис во градинка?
Пред неколку дена група родители преку петиција побараа да се укине паушалот за државните градинки за месеците кога децата не одеа во градинка, но за тоа реба да одлучат општините.
Н.Доковска