Македонскиот музички велемајстор Диран Тавитјан е номиниран за најпрестижните хрватски, воедно и балкански музички награди “Порин”.
Бидејќи има ерменски потекло оваа голема музичка вест денес ја објави и ерменскиот портал за џез, во кој се вели :
-Познатиот џез пијанист кој е познат во Ерменија и еден од најдобрите музичари на Балканот денес, пијанистот и композитор Диран Тавитјан, е номиниран за хрватската музичка награда “Порин”. Оваа награда се смета за една од најважните и најпрестижните меѓу музичарите во регионот. Диран Тавитијан е номиниран во категоријата „Најдобар продуцент“ во 2020 година за албумот на познатиот пејач и актер Раде Шербеџија. Тапанарот Гаро Тавитјан, помладиот брат на Диран, учествува на овој албум како специјален гостин. В.Ѓ.