Филип Букршлиев Трио вечерва во МКЦ

Вечерва, со почеток од 20 часот во МКЦ ќе се одржи концертна промоција на „A Disc Jockeys’s Crisis of Conscience” од Филип Букршлиев.

Публиката го запозна преку инди/метал/кросовер/џез-авантурите на неговиот состав Fighting Windmills. Последниве години Букршлиев редовно издава албуми и е дел од неколку извонредно талентирани џез-состави. За PMG Jazz има и соло гитарско издание минатата година. Триото е прва негова композиторска инкарнација во оваа форма, заедно со Андреа Мирческа на контрабас и тапанарот Славчо Коцев. Албумот е достапен на pmgjazz.bandcamp.com

Настанот ќе биде организиран согласно протоколот за организирање настани во затворен простор. Билетите се достапни на билетарница во МКЦ и online преку bileti.mkc.mk