Иако повеќето деца внесуваат доволно количество железо секојдневно, постојат исклучоци. Особено голем ризик имаат девојките во адолесценција, кои обично не можат да се справат со загубата на железо, предизвикана посебно поради менструалниот циклус.
Како да знаеме дека потребите за витамини и минерали на нашите деца се задоволени?
Железото, витаминот А, калциумот и магнезиумот се важни прехранбени состојки за детското здравје. Иако недостатокот на хранливи материи може да се поврзе со земјите во развој, дури и некои од нашите деца не добиваат редовно доволно од овие хранливи материи.
Внес на натриум
Кај децата од речиси сите возрасти, дневниот внес на натриум го надминува препорачаното. Кај адолесцентите, утврдено е дека повеќе од 80 проценти од нив секојдневно ја надминуваат дозволената горна граница за внес на натриум.
Проблем: Прекумерното внесување натриум често може да се припише на комерцијални намирници како што се чипс, замрзната храна, храна во конзерва, бургери, пица и солени грицки. Прекумерниот натриум во исхраната е поврзан со зголемен ризик од висок крвен притисок, што може да го зголеми ризикот од кардиоваскуларни и бубрежни заболувања.
Решение: Фокусирање на свежа храна и консумирање свежо овошје, зеленчук, несолени јатки и семки, како и други здрави намирници може да помогне да се одржи внесот на натриум во нормални граници. Внимателно читање на етикетите на храната и содржината на натриум е исто така важен чекор во следењето на внесот на натриум.
Калциум
Степенот на неадекватен внес на калциум кај децата изнесува од 44% до 70%, при што девојките од 14 до 18 години се изложени на најголем ризик од неадекватен внес на овој важен минерал.
Проблем: Калциумот е потребен за здравјето на коските и забите, како и за правилното функционирање на мускулите. Долгорочниот недостаток може да влијае на здравјето на коските и забите и на способноста на мускулите да функционираат правилно.
Решение: Зголемување на внесот на калциум преку исхрана богата со калциум, како што се млечни производи. За деца кои не консумираат млечни производи, постојат многу производи богати со калциум, како што се соино млеко, бадемово млеко, оризово млеко, млеко од овес и јогурт од кокос и соја.
Магнезиум
Откриено е дека момчиња постари од 14 години и девојчиња постари од 9 години внесуваат неадекватни количини магнезиум, при што девојчињата во пубертет се изложени на најголем ризик, со над 66%.
Проблем: Магнезиумот има бројни улоги во телото, вклучувајќи регулирање на шеќерот во крвта, функцијата на мускулите и нервите, регулирање на крвниот притисок и различни протеини и хормони.
Решение: Внесувањето доволно магнезиум во исхраната може да се постигне преку консумирање житарици, зеленчук како спанаќ, јаткасти плодови и млечни производи.
Витамин А
Кај децата од девет години и постари, утврдено е дека меѓу 11% и 42% од нив не внесуваат доволно витамин А, при што девојчињата во тинејџерскиот период се изложени на најголем ризик.
Проблем: Витаминот А е важен за регенерација и лекување на клетките, функционирање на имунолошкиот систем и правилен раст на телесните ткива, а има важна улога и во одржување на здрав вид.
Решение: Витаминот А е богат во некои намирници, но најголем дел од луѓето го добиваат преку бета-каротен од портокалово овошје и зеленчук, кој телото потоа го претвора во витамин А.
Железо
Иако повеќето деца внесуваат доволно железо, постојат исклучоци, особено кај девојките во адолесценција поради губењето на железо за време на менструалниот циклус.
Проблем: Железото е потребно за крвта да пренесува кислород до клетките и ткивата. Намаленото ниво на железо може да предизвика замор, нервоза и проблеми со фокусирањето, учењето и работата на училиште.
Решение: Редовен внес на храна богата со железо претставува безбеден и природен начин за одржување на нивото на железо во телото.
Во повеќето случаи, потребите на децата за главните витамини и минерали се задоволени преку исхраната, но неколку области покажуваат потреба за подобрување: калциум, магнезиум, витамин А, натриум и железо.
Витамин Д
Контролите покажаа дека количината на витамин Д во исхраната е под препорачаните нивоа кај повеќето старосни групи. Витаминот Д се добива главно преку изложување на сонце.
Извори на важни хранливи материи:
Калциум: Зеленчук, млечни производи, јаткасти плодови, варен грав, тофу, лосос или сардини, соино или бадемово млеко.
Магнезиум: Зеленчук, компир со кора, круши, варен грав, житарици, јаткасти плодови.
Витамин А: Моркови, сладок компир, тиква, суви кајсии, козјо сирење, масна риба.
Железо: Зеленчук, варен грав, суви кајсии, сок од сливи, црвено месо, морски плодови, тофу.
Подготви: С.Н.
