Наташа Крстевска – MIYATTA на публиката и подари нова песна. Со симболичен наслов „Маска“, таа на својот фејсбук профил најави дека песната е достапна за публиката. И допиша: Песната е безбедна за емитување зашто изведувачот е со антитела!!!
Во проектот покрај MIYATTA учествуваат Дамир Пух- аранжман и аудио продукција и Наташа Миха- аранжман и придружни вокали. Автор на музиката и текстот на песната е самата MIYATTA.
Маска
Сакаш да сум вредна, сакаш да сум чедна
сакаш да сум дома и со ручек спремна, знам,
но не можам и не сакам…
Сакаш и да трепкам, прамени да редам,
мислење да немам, безгласно да седам, знам,
Но не можам и не сакам.
За многу повредни нешта сум родена.
И кога не сакам нешто јас не морам.
Рефрен:
Дајте ми МАСКА за да се прикријам
од овој просек што нѐ опкружува,
и никој нејќе да се подобрува,
а стално друг се обвинува.
Има ли визир, што ќе заштитува
од овој отров што нѐ опкружува,
и ретко гледам некој со визија
а стално друг се обвинува.