Британската компанија за истражување на пазарот Euromonitor го објави списокот на Топ 100 најпосетени градски дестинации за 2024 година, на кој Париз повторно го зазема првото место, веќе четврта година по ред.
Градовите се оценувани според шест клучни критериуми: економски и бизнис перформанси, туристичка инфраструктура, туристички политики, здравје и безбедност, одржливост и целокупно искуство на посетителите. Париз останува на врвот благодарение на својот романтичен шарм, Ајфеловата кула како главна атракција и богатото културно и уметничко наследство кое привлекува милиони туристи секоја година.
Топ 10 најпосетени градови во светот за 2024 година се:
- Париз, Франција
- Мадрид, Шпанија
- Токио, Јапонија
- Рим, Италија
- Милано, Италија
- Њујорк, САД
- Амстердам, Холандија
- Сиднеј, Австралија
- Сингапур
- Барселона, Шпанија
Иако европските градови доминираат на листата, Токио и Сингапур покажуваат дека азиските дестинации имаат големо влијание врз светскиот туризам. Оваа листа е уште еден доказ за тоа како културата, историјата и модерните трендови го обликуваат изборот на туристите ширум светот.
Дали сте ги посетиле овие градови?
А.Н.
