Српскиот пејач Предраг Живковиќ Тозовац почина на 85-годишна возраст. Тој последните неколку недели се лечел од коронавирус, а веста дека починал за „Блиц“ ја потврди неговиот кум.
„За жал, тој не издржа, овој ковид целосно го уништи“, рече тој.
Роден е во Краљево, од татко Светозар-Тоза Живковиќ, по кого го доби прекарот и мајка на Будимка.
Тој се прослави во 1967 година со песната за сингл плоча (песна на Миша Милутиновиќ) „Испод липе, крај потока“. Истата година, тој сними четири синглови во дует со Силвана Арменулиќ („Девојчице гарава“).
Неговата голема популарност започна во 1971 година, кога победи на „Песна на летото“ со композицијата „Мирјана“. Следната година тој повторно победи со песната „Очи једне жене“ и го потврди својот статус на најпопуларен пејач.
Покрај многу концерти и ТВ-емисии, тој пееше во дует со: Предраг Гојковиќ Цуне, Мирослав Илиќ, Лепа Лукиќ, Миро Васиљевиќ итн. Во осумдесеттите, заедно со Предраг Гојковиќ Цуне и актерката Злата Петковиќ, тој беше домаќин на познатата „Фолк парада“.
Во октомври 2012 година тој доби диплома за заслужен граѓанин на градот Краљево. На 24.08.2018 година, на концерт одржан по повод 60-годишнината од Радио телевизија Србија, му беше врачен Златен микрофон на Радио Белград. А.Н.