Бројот на заразени со корона вирусот во светот денес надмина 19 милиони, покажуваат податоците на веб-страницата „Worldometers“.
Според веб-страницата, од почетокот на пандемијата се заразиле 19.002.651 лица со корона вирусот, починале 711.679 лица, а 12.198.856 се сметаат за излечени, пренесува Танјуг.
Првиот милион е забележан на 2 април, што значи дека потребни биле најмалку два месеци за да се достигне тој број.
Денес, бројот на заразени лица се зголеми за еден милион за четири дена – 18 милиони се регистрирани на 2 август, 17 милиони на 29 јули.
Најголем број заболени и смртни случаи од корона вирусот се уште има во САД, каде се регистрирани повеќе од 4,9 милиони случаи и 161.608 жртви. Следува Бразил со 2,8 милиони заразени и 97.418 мртви. Повеќе од еден милион заразени, поточно повеќе од 1,9 милиони, има уште Индија. А.Н.