На 14 септември во МКЦ (сала Фросина), „Skopje Comedy Club“ во соработка со „A Comic Soul“ за прв пат ќе и го претстави на македонската публика Расел Кејн – еден од најенергичните британски стенд-ап комичари.
Расел Кејн е стенд-ап комичар, добитник на повеќе награди меѓу кои и Единбуршката награда за комедија, актер, автор, сценарист и водител. Овој сестран и мултиталентиран комичар со распродадени настапи низ целиот свет за „The Times“ е еден од најбрзите, најстимулирачките стенд-ап комичари, „The Guardian“ велат дека е на врвот на својата игра, „The Telegraph“ го викаат уникатен, а за „The Independent“ е возбудлив комичар.На 14 септември оваа година ќе имате уникатна можност во МКЦ – Скопје да гледате комичар од светски ранг кој ќе приреди незаборавна вечер исполнета со комедија на принципот: „Вистината боли… Но, затоа е смешна“!
Билетите се достапни на билетарницата во МКЦ и онлајн преку www.bileti.mkc.mk.