Иако е само јануари, многу луѓе веќе почнуваат да размислуваат за своите летни планови, што вклучува и избор на куфер. Постојат многу опции за избор, а причините за размислување за видот на куферот се бројни. Дали сакате куфер во светли бои? Со тврди или меки страни? Што е со големината? Искрено, има многу за размислување, но кога конечно ќе донесете одлука, ќе се чувствувате одлично… сè додека вашиот куфер не исчезне.
Откако ќе поминете низ безбедносната контрола и ќе се качите на летот, можеби мислите дека сè е завршено и дека сè што треба да направите е да го подигнете багажот на вашата дестинација.
Но, постои еден фактор кој можеби не сте го земале предвид при изборот на куфер. Постои специфичен тип на куфер кој има 40 проценти поголема веројатност да исчезне.
Според истражувањето на Eminent, луѓето почесто избираат црни куфери, поради што тие се потешки за препознавање меѓу другите. Зошто тоа прави разлика? Па, експертот за патувања од американската компанија Wild Packs, Џејми Фрејзер, објасни дека е клучно да го препознаете куферот на лентата за багаж.
Фрејзер тврди дека треба да се избегнуваат црни куфери, кои обично имаат тркалца, ако не сакате да го помешате вашиот со туѓ. Според неговите зборови, „црните куфери се најчестиот вид багаж на глобално ниво, поради што тие се најтешки за идентификација и најверојатно ќе исчезнат“.
„Наместо тоа, изберете пошарена варијанта или додадете уникатни детали кои ќе го направат лесно препознатлив“, вели тој и додава дека етикетата со податоци исто така треба добро да се прицврсти на рачката на куферот, без оглед на бојата на истиот.
Ф.С.
