Иако патронот на фестивалот го разбираше светот како “поле за културен натпревар…”, синоќа на фестивалот во негова чест пејачите се натпреваруваа само во тоа кој подобро ќе ја изведе песната посветена на Гоце Делчев и на македонскиот народ.
Синоќа, 18-ти март, во Домот на Армијата во Скопје се одржа најновото издание на фестивалот на новосоздадени македонски патриотски и родољубиви песни „Гоце фест 2022“, со кој годинава се славеше јубилеј од 150 години од раѓањето на великанот.
Учество зедоа познати музички имиња- Блага Петреска, Виданка Ѓорѓиева, Круме Спасовски, Серафина Фантаузо, “Соната”, Петар Нечовски, Лилјана Прнаркова, Ванчо Тарабунов, Ристо Краповски… А, жири комисијата оваа година за победници ги прогласите сите нив.
Фестивалот постои од 1990 година, и досега има продуцирано над 700 песни со патриотска и родољубиви содржина, а неговата успешноста ја прави залагањето на директорот Пеце Здравковски.
Тв Сонце го снимаше “Гоце фест 2022”.