Во зоолошката градина во Скопје е детектиран случај на птичји грип, што предизвика итни мерки за спречување на ширење на вирусот. Птичјиот грип, или авијарна инфлуенца, е заразно заболување кое најчесто ги погодува птиците, но може да се пренесе и на други животни, па дури и на луѓе во ретки случаи. Ветеринарните служби потврдија присуство на високо патоген вид на вирусот кај неколку птици, и во моментот се вршат тестирања за да се утврди дали вирусот се проширил и на други животни во зоолошката.
За да се спречи понатамошно ширење, заразените птици се погубени, додека зоолошката градина времено ја прекина работата за да се минимизира ризикот од инфекција кај посетителите. Властите преземаат строги биосигурносни мерки за заштита на другите животни и вработените, додека се чекаат резултатите од тестирањата.
Птичјиот грип носи потенцијални ризици не само за животните туку и за луѓето, особено за оние што се во близок контакт со заразените птици. Ако не се спречи навремено, постои можност вирусот да се прошири на други животни, што би можело да доведе до сериозни еколошки последици, особено ако се заразат ретки или заштитени видови. Иако преносот на вирусот од птица на човек е редок, сепак постои ризик за вработените и посетителите, па превентивните мерки се клучни за спречување на епидемија. Освен тоа, затворањето на зоолошката градина и третманот на болните животни би можеле да предизвикаат финансиски загуби.
Надлежните апелираат граѓаните да останат мирни и да ги следат препораките за превенција, додека зоолошката градина останува затворена во наредните 21 ден.
А.Н.
