Според познатиот светски гастрономски водич Taste Atlas, Наполи е прогласен за град со најдобра храна во светот за 2025 година. Водичот ја состави листата врз основа на гласови од публиката, земајќи ги предвид квалитетот на состојките, специјалитетите и традиционалните пијалаци што го дефинираат гастрономското искуство на еден град.
Наполи – Престолнина на вкусовите
Со оценка 4.93 од можни 5, Наполи ги освои срцата на љубителите на гастрономијата. Градот е познат по своите култни пици како „Наполитана“, „Маргарита“ и „Маринара“, кои може да се вкусат во легендарните пицерии како „L’Antica Pizzeria da Michele“ или „Sorbillo“.
Уличната храна е исто така неизоставен дел од искуството. Специјалитети како „Frittatine di Pasta“ – пржени топчиња од тестенини, и свежата „Mozzarella di Bufala“, се деликатеси што не смеете да ги пропуштите.
За љубителите на слатките, Наполи нуди задоволства како „Sfogliatella“, крцкава пита со крем од рикота и лимон, како и „Baba al Rum“, десерт натопен во рум. Тука е и традиционалната супа од школки, „Zuppa di Cozze“, која ја отсликува морската традиција на овој град.
Топ 10 градови за храна според Taste Atlas:
- Наполи
- Милано
- Болоња
- Фиренца
- Мумбај
- Рим
- Париз
- Виена
- Торино
- Осака
Оваа листа покажува дека Италија доминира на глобалната гастрономска сцена, со дури шест градови во топ 10.
Ф.С.
