Северна Кореја беше погодена од земјотрес со јачина од 4 степени според Рихтеровата скала. Засега нема информации за повредени и материјална штета.
Земјотресот е регистриран на длабочина од 10 километри, на 28 километри југо-западно од градот Косан.
Претходно, рано утрово, земјотрес со јачина од 5,5 степени ја погоди северо-источна Јапонија. Епицентарот на земјотресот беше во областа Ибараки, на длабочина од 50 километри под морската површина.
Се тресеше и во Чиле. Земјотресот, кој го погоди северот на земјата исто така беше со јачина од 5,5 степени. А.Н.