среда, мај 22, 2024
домаИсланд го бојкотира Мундијалот поради случајот Скрипал

Исланд го бојкотира Мундијалот поради случајот Скрипал

Откако 24 држави меѓу кои и Македонија објавија протерување на руски дипломати во врска со случајот со труење со Сергеј Скрипал, Исланд објави дека ќе го бојкотира Светското првенство во фудбал што ова лето треба да се одржи во Русија. 

Исланд, исто така, објави дека привремено ги прекинува своите билатерални контакти со Русија на највисоко ниво. Рејкјавик го повикал рускиот амбасадор претходно во понеделникот и го информирал за спроведените мерки.

“Сите најблиски сојузници и партнери на Исланд одлучија да преземат мерки против Русија по нападот во Солсбери, вклучувајќи ги нордиските земји, повеќето земји-членки на НАТО, како и неколку земји на ЕУ”, се вели во изјавата објавена на веб-страницата на Исланд владата, на која уште пишува:
“Меѓу мерките преземени од страна на Исланд е привременото одложување на сите билатерални дијалози на високо ниво со руските власти. Како резултат на тоа, лидерите од Исланд нема да присуствуваат на светското првенство ФИФА во Русија ова лето. ”

21-то Светско првенство во фудбал треба да се одржи во Русија од 14 јуни до 15 јули. Игрите ќе се одржат во Калининград, Казан, Москва, Нижњи Новгород, Ростов-на-Дон, Самара, Саранск, Сочи, Санкт Петербург, Волгоград и Екатеринбург.

Реакцијата на Исланд доаѓа откако 16-те земји-членки на ЕУ, други европски земји, САД и Канада во понеделникот објавија дека ќе ги протераат руските дипломати во врска со случајот Сергеј Скрипал. Западните земји ја обвинија Москва за труењето на 4 март на поранешниот двоен агент во Солсбери, Велика Британија. Русија негираше каква било улога во нападот и понуди целосна соработка во истрагата.

МОЖЕБИ ЌЕ ВЕ ИНТЕРЕСИРА!

ПОСЛЕДНИ ВЕСТИ