вторник, јуни 18, 2024
домаНеаКлима е сè што правиме: Нова алатка за финансиските институции на COP23

Клима е сè што правиме: Нова алатка за финансиските институции на COP23

Денеска, на COP23, Иницијативата за климатска акција во финансиските институции ја повика целата финансиска заедница во светот да прифати низа клучни принципи за тежнеење кон акција за клима усвоени во 2015 година за време на COP21. Повикот беше упатен на официјален придружен настан на ОН во Бон, ко-организиран од Европската инвестициска банка (ЕИБ), Банката за развој на Латинска Америка (CAF) и I4CE – Институт за климатска економија (Секретаријат на Иницијативата).
Претставниците на институциите кои ја поддржуваат иницијативата, исто така, ги повикаа бизнисот и индустријата да им се придружат во спроведувањето на 5-те Доброволни принципи за тежнеење кон акција за клима.

Специјален известувач од Бон за НЕА.
Специјален известувач од Бон за НЕА.

Овие принципи, договорени на COP21 во Париз од околу 20 јавни и приватни финансиски институции се:
Принцип 1: Посветете се на стратегии за клима
Принцип 2: Менаџирајте со климатските ризици
Принцип 3: Промовирајте на паметни климатски цели
Принцип 4: Подобрете ја ефикасноста на климата
Принцип 5: Бидете одговорни за вашата акција за клима

Парискиот договор поставува значаен предизвик за владите и финансиската заедница: усогласување на сите финансиски текови со кохерентна економија и општество под 2°C. Иницијативата за климатска акција во финансиските институции има значаен потенцијал за поддршка на оваа заложба и развивање и споделување на практики во корист на целата финансиска заедница за да помогне во спроведувањето на Парискиот договор.

31 институција сега е дел од Иницијативата, а денес тие го најавија лансирањето на нова онлајн и јавно достапна база на податоци за практики за тежнеење кон климата, споделувајќи го напредокот што го постигна иницијативата и конкретно како може да го поддржи спроведувањето на Парискиот договор во финансискиот сектор. Базата на податоци за практики за тежнеење кон климата ќе им помогне на институциите да ги споделат своите знаења и искуства преку конкретни студии на случаи за да им помогнат да ги земат предвид климатските промени и да ги имплементираат 5 принципи.

“Откако иницијативата беше лансирана пред две години, напредувавме многу. Студиите на случаи содржани во оваа нова база на податоци лансирана денеска ќе им дадат на финансиските институции и бизниси многу подобри прегледи за тоа како нивните колеги ги интегрираат климатските промени во сите нивни операции. Тоа е непроценлив ресурс кој ќе ја храни работата на иницијативата, ќе им помогне на финансиските институции постепено да го подобрат начинот на кој ги интегрираат климатските промени во нивните операции и ќе придонесе за реализација на Парискиот договор. Денес ние го повикуваме целиот финансиски сектор, како и бизнис заедницата да се приклучат на иницијативата и да ги споделат сопствените практики”, рече Бенојт Легует, управен директор на I4CE.

“Оваа иницијатива ги спојува јавните и приватните финансиски институции од целиот свет во нашата посветеност за интегрирање на климата во сè што правиме. Врз основа на петте принципи на тежнеење, коишто ги лансиравме на COP 21 пред две години, денешното отворање на базата на податоци за практики за тежнеење кон климата, дава важен придонес за споделување на знаењето и добрата практика за нашите пристапи кон климатските промени. Уште поважно, исто така, ја зголемува транспарентноста во зелените финансии. Подобри информации се итно потребни за усогласување на финансискиот сектор со целите од Париз. Затоа, ние во Европската банка, сме горди што сме дел од иницијативата за акција за климата во финансиските институции и ја покануваме финансиската заедница да ни се придружи и да ја поддржиме имплементацијата на Парискиот договор”, рече Џонатан Тејлор, потпретседател на ЕИБ за акцијата за клима.

“Финансиските институции имаат клучна улога во решавањето на предизвиците на глобален развој кој е отпорен и со ниски емисии на јаглерод, и внатрешно и преку односите со нивните клиенти. Владите, мултилатералните организации и приватните инвеститори треба да се залагаат за предвидувања за климатски промени со цел да го поттикнат економскиот раст и со тежнеење кон овие размислувања, финансиските институции ќе станат сигурен партнер кој може да даде подобри, поодржливи, краткорочни и долгорочни резултати”, рече Феликс Бергел, директор за институционално финансирање на ЦАФ.

Базата на податоци за практики за тежнеење кон климата содржи приближно 50 студии на случаи поднесени од институциите членки поврзани со петте Принципи и четирите области на работа на иницијативата за 2017-18:
• Климатски ризици: пристапи, алатки и методологии
• Мапирање на иницијативите за известување и разбирање на предизвиците за спроведување
• Пристапи и финансиски инструменти за климатските промени на ниво на градот
• Ширење на климатска стратегија во цела организација.
Таа е достапна на веб-страницата на иницијативата (www.mainstreamingclimate.org).

Други институции во финансиската заедница се поканети да придонесат кон оваа база на податоци и да ги споделат своите практики со испраќање на нивните студии на случај до Секретаријатот (contact@mainstreamingclimate.org) и да учествуваат во иницијативата како дел од колективна одговорност за вклучување на предвидувањата за климатските промени во нивните активности.

МОЖЕБИ ЌЕ ВЕ ИНТЕРЕСИРА!

ПОСЛЕДНИ ВЕСТИ