Рајко Дујмиќ (65), композиторот на некои од најголемите хитови на поп групата „Нови фосили“, почина како резултат на сериозна сообраќајна незгода, објави „Јутарњи лист“.
Хрватскиот композитор Ненад Нинчевиќ, еден од најблиските пријатели на починатиот музичар Рајко Дујмиќ, за хрватските медиуми изјави дека семејството Дујмиќ решил да ги донира неговите органи.
“Семејството направи хуман гест. Тој не може да умре. Тој ќе живее преку неговите песни, а сега и преку некои други луѓе. Можеме да бидеме сигурни дека тој ќе остане со нас засекогаш. Затоа, само слушајте како тој ја испеа песната “Милена ” „Некој што нема душа не може така да пее“, рече Нинчевиќ.
“Тешко ми беше сите овие денови. Рајко имаше добро срце и мека душа. Далеку е од она што е напишано за него последниве години. Ние сме пријатели веќе 35 години и никогаш не се расправавме. Тој беше апсолутен позитивист и повремено имаше самоуништувачки порив и тоа беше неговиот единствен недостаток “, рече Нинчевиќ за„ Вечерњи лист “.
Пејачот-текстописец претрпел опасни по живот повреди кога изгубил контрола над своето возило во ужасната несреќа во Стари Лаз, во областа на Равна Гора, минатата недела и слета во бездна.
По несреќата во која сериозно му била повредена главата, Дујмиќ се наоѓал во кома, и бил поврзан на респиратор во болницата.
Рајко Дујмиќ беше еден од најпознатите музичари од оваа област. Тој е најпознат во јавноста како дел од групата Нови фосили, а со нас беше поврзан со песната „Милена“, која како што тој самиот сакаше да каже и ја имаше посветено на една Македонка од Неготино.
Песната „Милена“, како што раскажуваше Рајко на времето за тогашниот неделник „Екран“ настанала едно утро во Херцег Нови кога ја запознал тогаш младата неготинчанка. По разговорот со неа одлучил да ја напише песната посветена на сите медицински сестри, или како што знаеше да каже на сите оние медициснки сестри облечени во „боросанки“ (препознатливи сандали кои ги носеа на работа како дел од униформата н.з.) кои работат во смени и се борат за сечиј живот…
Биографијата на Дујмиќ е проткаена со музиката. Своето музичко образование го добил во Загреб, во музичкото училиште „Ватрослав Лисински“, а после тоа и на Педагошката академија.
Почна да свири тастатури во рок бендовите „Група Марина Шкргатиќ“, „Црно бијели“ и „Клан и Златни акорди“, а неговата прва оригинална песна е изведена на фестивалот „Бум“ во Љубљана.
Нинковиќ по сообраќајната несреќа цело време беше со семејството Дујмиќ најави дека погребот ќе биде следната недела на гробиштата Мирогој во Загреб.
Н.Д.