Владините служби информираат дека Република Северна Македонија во февруари ќе ги добие првите дози на Фајзер вакцината. Денеска попладне е постигнат директен договор со компанијата, а количината ќе биде позната во текот на следните недели, се вели во информацијата на Владата.
Следните дози од вакцината на Фајзер ќе пристигнат во март и април. Министерството за здравство продолжува разговори за обезбедување вакцини и преку преговори со земјите членки на ЕУ како и преку Ковакс механизмот од каде се очекува распоредот и датумот за дистрибуција на првите количини. Министерството информира дека во јануари се очекуваат и фрижидерите за складирање на овие вакцини и со тоа македонскиот здравствен систем ќе биде целосно подготвен за вакцинацијата.
