Секојдневното консумирање мали шотови од ѓумбир може да помогне во зајакнување на имунитетот, намалување на воспаленијата, ублажување на мачнината и болките во мускулите и зглобовите. Ѓумбирот содржи активни соединенија како gingerol и shogaol, кои имаат силно антиоксидативно и противвоспалително дејство.
Ѓумбирот може да помогне и кај дигестивни проблеми, како киселини, мачнина, отежнато варење и рефлукс. Исто така, може да го поттикне метаболизмот, да ја подобри циркулацијата и да помогне во регулирање на шеќерот и холестеролот во крвта.
Сепак, не треба да се претерува. Безбедна дневна количина се смета до 4 грама ѓумбир. Поголеми дози може да предизвикаат желудочни тегоби или рефлукс. Внимателни треба да бидат луѓе кои земаат лекови за разредување на крвта или лекови за дијабетес.
Рецепт за домашен шот од ѓумбир:
Изблендирајте ¼ шолја сечкан свеж ѓумбир со ¼ шолја вода. Процедете го сокот и измешајте го со сок од еден лимон. По желба може да додадете куркума, црн пипер, цитрус или малку кајенски пипер. Шотовите најчесто се пијат во мала количина, околу 30 мл.
А.Н.
