На твитер страната каде се споделуваат информации од „Diamon Princess“ крузерот стаса информација дека каj уште 60 лица е потврден #коронавирус. Со ова, вкупно 130 се заразени, од вкупно 3700. Тестови се прават на преостанатите патници.
И додека информации за нови заболени постојано стасуваат кај нас официјално се уште не се знае кои се македонските државјани на крузерот.
Бројот на смртни случаи на коронавирус во Кина се искачи на 908, соопшти денес Светската здравствена организација.
Во соопштението се вели дека бројот на загинатите се зголемил за 97 вчера, што го прави најсмртоносен ден досега.
Бројот на ново потврдени случаи на корона вирусот на копното на Кина се зголеми повторно, откако дневниот биланс во саботата за прв пат беше помал од бројот на заболени на 2 февруари.
Вчера се регистрирани вкупно 3.062 нови случаи низ Кина, додека во саботата имало помалку 3.000 новорегистрирани, пренесува Ројтерс.
Вкупниот број заразени сега е 40.171.