Поради сомнение дека на него има заразени од корона вирусот, ниту една земја не сакаше да го прими Крузерот Вестдам во своето пристаниште, иако се соочи со недостаток на храна, вода и бензин
Крузерот Вестдам, на кој му е одбиен влезот од пет држави под сомнение дека на него има заразени од вирусот, конечно му беше дозволено да се закотви.
Иако немаше пациенти на бродот, Јапонија, Тајван, Гуам, на Филипините и Тајланд му беше одбиен влезот, и конечно им беше дадена дозвола да се закотват во Камбоџа, објави Гардијан. Крузерот ќе се закотви на пристаништето Сихануквил во четврток, потврди компанијата „Холанд Америка“.
Вестдам е заглавен на море скоро две недели откако Тајланд стана последен во низата земји што одби да дозволи бродот да влезе во нивното пристаниште, во страв од ширење на корона вирусот.
Портпаролот на „Холанд Америка“ претходно изјави за „Фокс њуз“ дека бродот планирал да се закотви во пристаништето Лаем Чабанг на 13 февруари, но тоа не се случи. Тајландскиот министер за здравство, Анутин Карнвакул, објави на Фејсбук дека одбил да дозволи влез на крузерот. На Вестдам има вкупно 1.455 патници и 802 членови на екипажот. Некои од патниците се пожалија во текот на изминатите две недели преку Интернет за нивната состојба во авионот, но без никаква корист.
„Дефинитивно стресно. 14 дена сме на море и немаме патници кои се болни од ништо “, рече еден патник порано на социјалните мрежи.
Стив Мат од Онстед, Мичиген, изјави дека тие само лебдат на океанот.
„Навистина ни беше одбиен влезот во секое пристаниште, во секоја земја, откако го напуштивме Хонг Конг“, рече тој.
Патникот Стивен Хансен изјави дека му олеснило кога им било соопштено во понеделникот дека ќе им биде дозволено да замимант за Тајланд, пишува Блумберг. Патниците побрзаа да резервираат авионски билети за летот дома и на сите им беше измерена температура. Сепак, во вторникот наутро, тие преку медиумите дознаа дека тајландските власти не им доозволиле да влезат.
– Многу зе вознемиривме за одлуката на Тајланд, а не добивме друго решение. Повторно сме во неизвесност “, рече Хансен, кој е на крстарење со неговата сопруга.
Тој ги повика владите на државите од кои патуваа патниците да најдат решение, додавајќи дека наскоро ќе се потрошат залихите на лекови, храна и вода.
Бродот испловел на 15 јануари од Јокохама. Фокс њуз “пренесува дека јапонскиот премиер Шинзо Абе се посомневал дека некои патници на Вестдам биле заразени со нов вирус, наречен Ковид-19 и им бил забранет влез во пристаништето Јокохама. Во меѓувреме, друг крстосувач – „Дијамантските принцези“ – има повеќе од 130 заразени лица од 3.700 патници со новиот вирус и е ставен во карантин кај пристаништето Јокохама.
„Холанд Америка“ соопшти дека нема причина да се сомневаме дека има случаи на инфекција на бродот, а потврдено е дека крузерот не е во карантин. Исто така беше наведено дека патниците ќе бидат обештетни за крстарењето во целост, како и дека ќе добијат 100 кредити за следното патување.
Додека патниците од Вестдам чекаа некој да ги прими, постоеше вистинска загриженост дека ситуацијата на крузерот ќе биде многу полоша. Крстоносникот можеше да биде присилен да се снаоѓа во морето сè додека не ги потроши и последните залихо на вода, храна и гориво, кога – според меѓународните поморски конвенции – земјата најблиска до бродот е должна да го прими или да му помогне, велат поморските експерти.
– Државите ја префрлаат одговорноста една на друга се додека бродот не се најде во дворот на некој што треба да го прими затоа што нема гориво или храна. Кога бродот е во неволја, најблиското пристаниште е должно да помогне. Тоа е законот – вели Жан Пол Родригес, професор на универзитетот Хофстра во Њујорк.
Бродот моментно е надвор од јужниот брег на Виетнам, според Светската здравствена организација (СЗО) и Блумберг. Според поморскиот закон, државите може да забрануваат превоз на пристаништа од најразлични причини, вклучувајќи ги и грижите за јавното здравство и од нив се бара само да им помагаат кога е потребно.
– Тие имаат право да одбијат влез сè додека тоа одбивање не ги става луѓето во опасност. Во моментов, луѓето сеуште јадат добро, тие се на крстарење – тие се пријатни. Државите можат да ги отфрлат и да го остават проблемот на некој друг – посочува Родригес.
Сепак, тој посочи дека крстосувачите имаат тесен распоред за патување и дека Вестердам можеби нема да има доволно резерва нз вода, храна и гориво за да остане на море толку многу денови надвор од закажаниот крај на крстарењето, кој првично започна на 15 јануари во Јокохама.
– Бродовите се многу синхронизирани и организирани. Кога некој ќе заврши со крстарење, наутро пристигнува во пристаништето, ги обновува резервите во попладневните часови, а потоа се движи кон друго патување. Но, ова што сега се случува на далеку надмина какво било разумно планирање – истакна Родригес.
СЗО наведува дека тајландските официјални лица посочиле дека доколку Вестдам влезе во нивните води, властите може да побараат да се качат на крузерот и да го испитаат здравјето на патниците и членовите на екипажот, па дури потоа да одлучат дали ќе им биде дозволено да тргнуваат.
До денес, повеќе од 42,000 луѓе се заразени со новиот вирус корона, со над 1.100 смртни случаи.