Августовска домашна турнеја најавува групата “Фолтин” со три самостојни концерти.
Првиот е закажан во Струга на 8 август во склоп на осмото издание на “Дрим Шорт” Фестивалот на краток филм. Локацијата еДом на култура, Летна сцена. Влезници може да се најдат во “Кингстон бар”.
- Вториот е во Битола на 16 август, а настанот ќе го отворат младите битолски бендови: “Tzar von time”, “Siotto jazz” и “Corrosion”, а специјални гости ќе бидат “Суперхикс”. Локацијата е Ракометно игралиште, а концертот е поддржан од Општина Битола и Стопанска банка а.д. Скопје. Влезници се продаваат во “Ариес травел” и ” Тобако брадерс”.
- Третиот концерт од оваа домашна турнеја на “Фолтин” на 25 август во Кавадарци. Локацијата е Вински музеј – Тиквеш, а концертот се реализира во соработка со Домот на културата Иван Мазов – Климе со поддршка од Министерството за култура.
“100 години Скопско” е пријател на целата турнеја на бендот.
“Ако е летото жешко нека е таква и музиката!”, порачуваат од “Фолтин”.