Европската агенција за лекови (ЕМА) денес објави дека ја одобрила вакцината „Џонсон и Џонсон“ во рамките на Европската унија, пренесува Дојче веле.
Ова е четврта вакцина одобрена за употреба во блокот на ЕУ. Ги следи стапките на германско-американската вакцина „Фајзер/Бионтек“, британско-шведската „АстраЗенека“ и американската „Модерна“.
Вакцината е изработена од фармацевтската компанија Јансен, која е во сопственост на компанијата „Џонсон и Џонсон“, со седиште во Белгија.
Од останатите одобрени вакцини се разликува по тоа што е потребна само една доза. ЕУ веќе обезбеди околу 400 милиони дози на вакцина.
Вакцината е под постојан преглед на регулаторот со седиште во Амстердам од декември 2020 година, пренесува „Дојче веле“. А.Р.
