За 70 години, не сметајќи ја Западна Европа, само осум големи градови во Северната хемисфера ќе може да ги организираат Летните Олимписки игри според сегашните критериуми.
Научниците велат дека глобалното затоплување во повеќето поголеми градови низ светот би можело да го направи премногу жешко одржувањето на Олимпијадата до 2085 година.
Група експерти заклучија дека за 70 години, не сметајќи ја Западна Европа, само осум големи градови во северната хемисфера може да организираат летни игри според сегашните критериуми.
„Климатските промени би можеле да го оневозможат одржувањето на Летните олимписки игри според сегашните правила“, рече Кирк Смит од кампусот на универзитетот Беркли.
Смит и неговите колеги дошле до овој заклучок со тоа што анализирале термичко зрачење, температура, влажност и моќност на ветерот на местата каде што може да се организираат Игрите.
Потоа, користејќи ги климатските модели, тие предвидоа температури во градовите во Северната хемисфера со население од над 600.000, што е еден од условите за доделување на ОИ, а потоа пресметано во кој од овие градови има повеќе од 10 проценти шанси да се откаже маратонска трка заради премногу топлина.
Бидејќи маратонската трка е исклучително зависна од временската состојба, критериумот „откажување од 10 проценти“ е исто така еден од условите што се сметаат при одредувањето на домаќинството на Игрите.
Научниците заклучиле дека само осум од анализираните 543 градови ќе ги исполнат овие критериуми во иднина. „Резултатите покажуваат дека Париз, Мадрид, Рим, Будимпешта, сите градови што се кандидирале или се кандидати за Игрите во 2020 и 2024 година не можеле да бидат избрани како домаќини во 2085 година“, рече Смит.
„Токио, градот избран за домаќин оваа година, исто така, нема да успее во номинацијата за 2085 г., бидејќи топлината не може да ја гарантира безбедноста на спортистите“, додаде тој.
Постојат 25 градови во Западна Европа кои би можеле да бидат домаќини на Летните олимписки игри за седум децении, но има само осум во северната хемисфера – Санкт Петербург, Рига, Бишкек, Улан Батор, Сан Франциско, Калгари и Ванкувер, два канадски градови кои веќе беа домаќини на Зимските олимписки игри.
Покрај тоа што влијае на иднината на Олимпијадата, оваа студија на американски научници објавена во Лансет, исто така, укажува на влијанието што глобалното затоплување може да го има врз општеството како целина.