Hermès, симболот на францускиот луксуз, се соочува со предизвици кои ја доведуваат во прашање неговата иднина. И покрај рекордниот приход од 15,2 милијарди евра и профит од 4,6 милијарди евра, брендот се соочува со сериозни проблеми.
Еден од најголемите предизвици е појавата на „Wirkin“ – евтина верзија на познатата Birkin торба, која станува вирална на TikTok. Младите потрошувачи, особено генерацијата Z, се помалку се интересираат за традиционалната изработка и повеќе се водат од визуелниот изглед и достапноста. Според истражување од 2023 година на A-CAPP центарот при Универзитетот во Мичиген, 52% од потрошувачите свесно купиле фалсификат, главно поради економски причини.
Дополнителен притисок доаѓа од новите американски царини, кои можат да ги зголемат трошоците за производство. Извршниот директор, Аксел Дюма, изјави дека овие трошоци ќе бидат пренесени на клиентите, но прашање е колку долго лојалноста на потрошувачите ќе издржи.
Додека конкуренти како Louis Vuitton инвестираат во производство во САД за да ги ублажат глобалните шокови, Hermès останува тврдоглаво француски, нагласувајќи дека „Made in France“ е повеќе од етикета – тоа е приказна. Меѓутоа, во дигиталната ера, приказните се сè помалку читани и сè повеќе скролувани.
Hermès можеби сè уште поставува златниот стандард во луксузот, но дури и златото не е отпорно на притисок. Ако брендот не ги препознае и не се прилагоди на новите ветрови, ризикува да ја изгуби својата круна.
Н.Д.
