Годинешната Евровизија, која ќе се одржи од 10 до 14 мај во салата Пала Олимпико во Торино, Италија, веќе официјално започна со пристигнувањето на екипите за земјите учеснички, кои веќе ги одржаа првите проби и првите прес конференции. Екипата и Андреа денес, 2 мај, заминуваат за Италија, со оглед на тоа дека таа ќе настапи на втората полуфинална вечер, на 12 мај, како единаесеттата, и нејзините технички проби ќе бидат деновиве.
Организаторот секој ден дозирано објавува вести за тоа што сѐ ќе може да се види на големата сцена, на 10,12 и на 14 мај.
Објавена е и веста дека на Диодато ќе му биде дадена можноста да настапи на Евросонг. Тој победи на 70. издание на Сан Ремо 2020, со песната „Fai Rumore“, но бидејќи поради пандемијата Ковид 19 таа Евровизија беше одложена, тој тогаш не се натпреваруваше. Дардус, еден од најуспешните продуценти на планетата, ќе настапи за време на Првото полуфинале во придружба на диџеј/продуцентот Бени Бенаси и британскиот бенд „Sophie and The Giants“, со учество на диригентката Силвија Катаста.
И тоа не е се! Седум години откако за првпат излезе на сцената на Евровизија, италијанското трио “Ил Воло” повторно ќе се врати на натпреварот во мај. Пејачите ќе имаат ревијален настап за време на Второто полуфинале, на 12 мај.
Тие оставија голема песна зад себе, која и по седум години од изведбата, се слуша во Европа и пошироко, а тие стекнаа милионска бројка на обожаватели.
Ва. Ѓ. Парго