Голем прекин на електричната енергија го парализираше југоисточен Берлин утрово. Според информациите од Берлинскиот информативен центар за сообраќај, погодени се локалниот транспорт и семафорите, објавува Билд. Околу 50.000 луѓе, вклучувајќи домаќинства и бизниси, останаа без електрична енергија.
Портпаролот на компанијата Строменц Берлин изјави дека причина за проблемот е пожар што зафатил два столба во Јоханистхал околу 3:30 часот наутро синоќа. Тие го изгаснале, но штетата предизвикала откажување на далноводите. Полицијата веднаш излегла на терен, а голем дел од Кенигсхајдевег бил затворен за истрага.
Според првичните информации, пожарот бил подметнат. Околу седум часа по нападот на далноводот, 15.000 од 50.000 погодени корисници добија струја.
Противпожарната служба беше испратена во домот за стари лица во Семелвајштрасе. Портпаролот на противпожарната служба не ја исклучи можноста дека засегнатите пациенти се во критична состојба. Четири лица се префрлени во болници.
Според извори од противпожарната служба, штетата се проценува на ниво на снемувањето на струја во Кепеник во 2019 година, кога неколку десетици илјади луѓе беа без електрична енергија повеќе од 30 часа. Како резултат на тоа, беше прогласена тревога за персоналот, што обично се случува само за време на силни бури. Т.Р.
