Во ЈУ Културно Информативен Центар – Скопје, КИЦ, во Изложбениот салон “Империјал 2” , вчера, 11 март, се отвори изложбата со слики од академскиот сликар Боро Арсовски. Изложбата ќе биде отворена до 27 март.
Академскиот сликар, Боро Арсовски, е роден во Скопје- Македонија. Завршува Факултет за ликовни уметности во Скопје во педагошка, сликарска група. Од 2011 година е професор на уметничкото училиште ДСУЛУД „Лазар Личеноски“ Скопје, по предметите во акт, фотографија и типографија. Работи како снимател во низа документарни и забавни програми. Работи како фоторепортер „Утрински весник“ и други медиуми, учествува во низа индивидуални и колективни изложби и учествува во разни ликовни колонии.
