Дрвената даска за сечење е веројатно најкористениот реквизит во кујната, а воедно и најголемиот магнет за бактерии. Ако ја користите секојдневно, знаете дека мирисите, трагите од храна и маснотиите брзо се задржуваат на неа.
Но, добрата вест е дека не ви се потребни хемиски препарати за да ја исчистите. Две состојки што секој ги има дома се доволни за да ја направат даската чиста, миризлива и безбедна за употреба.
1. Редовното миење е задолжително
По секоја употреба, не заборавајте да ја измиете даската со топла вода и благ детергент – од двете страни. Иако ја користите само од едната страна, бактериите сепак се собираат на целата површина, така што нема прескокнување.
2. Трик со лимон и сол
Ако сакате дополнително да ја дезинфицирате, посипете ја даската со сол и истријте ја со половина лимон. Лимонската киселина и солта заедно ги раствораат бактериите и ги неутрализираат мирисите. Оставете да отстои неколку минути, потоа исплакнете – даската ќе биде како нова. Овој трик е особено важен ако сте сечеле месо или риба.
3. Одвојте ги даските
Едната за месо, другата за овошје и зеленчук. Тоа е правило кое штити од контаминација и непотребен ризик. Ако користите само една даска за сè, бактериите од месото лесно завршуваат на зеленчукот што го јадете свеж.
4. Хранете го дрвото за да трае подолго
Дрвените даски може да пукаат и да апсорбираат мириси ако не се грижите за нив. Повремено премачкајте ги со маслиново, сончогледово или кокосово масло – ова создава природна бариера и го продолжува нивниот век на траење.
5. Сушењето е клучно
Никогаш не ја оставајте влажна. Најдобро е да ја поставите исправена да се исуши по миењето, за да може воздухот да циркулира од двете страни. На овој начин спречувате мувла и габи. Т.Р.
