Пронајдена е 14-годишната девојка Клара Т. која исчезна вчера околу 18 часот во населбата Илинден, ја пренесе Телма изјавата на нејзината мајка Ивана Т.
Претходно на социјалните мрежи се ширеше апел со информации, а во информацијата од МВР стоеше дека „На 02.08.2024 околу 23.45 часот И.Т. (33) од н.Илинден, Скопје пријавила дека на 02.08.2024 околу 18 часот нејзината малолетна ќерка К.Р. (14) се оддалечила од домот. К.Р. имала здравствени проблеми, а причина за оддалечувањето била претходна расправија помеѓу К.Р. и И.Р.. Се преземат мерки за пронаоѓање на лицето“.
Девојката беше најдена во добра здравствена состојба кај Транспортниот центар во Скопје по потрагата во која учествуваа полицајците и блиските роднини и пријатели на Клара, пренесе Телма.