Сопругата на канадскиот премиер Џастин Трудо, Софи Грегоар е позитивна на вирусот корона, соопштија денеска канцеларијата на Трудо, еден ден откако тој одлучи да влезе во изолација. Софи Трудо ги почувствувала симптомите на болеста откако се вратила од Лондон и се подложила на тестираање, а премиерот одлучил да ги врши сите должности од дома.
„Премиерот е во добра здравствена состојба и нема никакви симптоми. Тој ќе биде во изолација од 14 дена од претпазливост и по совет на лекар“, се вели во соопштението кое го пренесе АП.
Додадено е дека Трудо нема да биде тестиран за вирусот на корона во оваа фаза, бидејќи нема симптоми. Се истакнува е дека од истата причина, лекарите сметаат дека не постои ризик за оние кои неодамна биле во контакт со него. Сопругата на Трудо во изјава им се заблагодари на оние кои ја поддржаа.
“Иако имам непријатни симптоми на вирусот, наскоро ќе бидам на нозе. Да се биде во карантин дома не е ништо во споредба со другите канадски семејства кои би можеле да поминат низ тоа и оние кои се соочуваат со посериозни здравствени проблеми”, напишала таа.
Џастин и Софи Трудо имаат три деца и, како што соопштија од кабинетот на премиерот, првата дама е единствената во семејството која има симптоми на вирусот корона.
Австралискиот министер позитивен на вирусот корона
Австралискиот министер за внатрешни работи Питер Датон изјави денеска дека тестовите покажале дека е позитивен на вирусот корона.
“Се разбудив утрово со треска и суво грло. Веднаш се јавив во Министерството за здравство на Квинсленд и последователно се тестирав за КОВИД-19”, вели Датон во изјавата објавена од неговата канцеларија, пренесе Ројтерс.
Тој додал дека тестот е позитивен, но дека се чувствува добро. Во Австралија се пријавени 156 случаи на коронавирус и три жртви, но властите очекуваат дека бројката брзо ќе се зголеми во наредните недели со пристигнување на зимата на континентот.А.Р.