Мрсната коса и соодветната нега се предизвик со кој се соочуваат многу жени. Честото миење на косата за да изгледа свежа и чиста може да го влоши проблемот, бидејќи прекумерното миење води до зголемено производство на масло од скалпот.
Типот на коса игра значајна улога во тоа колку брзо ќе изгледа мрсно. Лицата со брановидна и груба коса можат да издржат и до една недела без миење, додека оние со тенка коса често забележуваат мрсност уште на првиот ден. Причината лежи во количината на масло што го произведува скалпот и способноста на косата да го апсорбира тоа масло.
Честото миење на косата може да создаде впечаток дека таа се мрси побрзо. Тоа е исто како претерано чистење на кожата: кога ќе се отстранат природните масла, телото реагира со зголемено производство за да ја надомести сувоста.
Совети за намалување на мрсноста на косата:
- Користете трака за време на тренингот
Потењето во теретана придонесува косата да се мрси побрзо. За да го намалите ова, носете трака што ќе ја апсорбира потта на линијата на косата. Дополнително, соберете ја косата во висока пунџа. - Миење со шампон без сулфати
Многу шампони содржат сулфати, кои ја сушат косата и го поттикнуваат скалпот да произведува повеќе масло. Изберете нежни шампони без сулфати за да ја задржите природната влага на косата и да спречите прекумерно мрсење. - Нанесувајте регенератор само на врвовите
Регенераторот не треба да се нанесува на коренот, бидејќи тоа може да ја направи косата мрсна побрзо. Ограничете го нанесувањето на регенераторот само на врвовите на косата. - Користете сув шампон меѓу миењата
Ако не можете да издржите без да ја измиете косата секој ден, пробајте сув шампон. Овој производ ја впива мрснотијата и ви овозможува да го продолжите времето помеѓу две миења.
Со овие совети, вашата коса ќе изгледа свежа подолго време, а ќе ја намалите и потребата за често миење, што е од корист за здравјето и изгледот на вашата коса.
Н.Д.