„Активистичката заедница во Бразил жали за смртта на афро-бразилската политичка активистка Мариел Франко (Marielle Franco), која беше усмртена од истрели врз нејзиниот автомобил додека возела“ – се вели во соопштението на оваа организација.
Франко, која израснала во Maré favela, беше градски советник во Рио од екстремната левичарска партија „Социјализам и слобода“ и отворен критичар на полициското насилство и милитаризација, која ги тероризирала сиромашните населби во Рио. Истовремено беше истакнат член на меѓународната организација „Светски марш на жената“ и гласен активист за женските права и социјалната правда.
Убиството се случило кога таа се враќала од настан за поттикнување и зајакнувањето на црните жени во општеството, кога од друг автомобил било стрелано врз нејзиниот и од деветте куршуми кои завршиле во возилото загинале Мариел Франко и нејзиниот возач, Андерсон Педро Гомес, а тешко е повреден нејзиниот секретар за печат.
Во февруари, бразилскиот претседател Мишел Темер ја распореди војската во државата Рио и нејзините фавели, ефикасно уништувајќи ги локалните заедници меѓу бруталноста што ја санкционира државата и локалните банди. Претходно оваа недела Франко твитна за убиството на еден млад човек во соседната фавела, за чија смрт семејството ја обвини милитаризираната полиција. Таа напиша:
„Уште едно убиство на еден млад човек кое оди на сметка на премиерот. Матеус Мело го убивте излегувајќи од црквата. Уште колку треба да умрат за да заврши оваа војна?“
