Главниот град на Австрија, Виена е прогласен за најзелен град на ранг листата „Десет најзелени градови во светот 2020“ на канадско-американската консултантска агенција „Резонанс“.
Како што се наведува во соопштението на Град Виена, зад главниот град на Австрија се најдоа Минхен, Берлин и Мадрид.
Повеќе од 100 градови во светот беа анализирани според критериумите кои се однесуваат на уделот на парковите и зелените површини во вкупната површина на градот, употребата на обновлива енергија, квалитетот на воздухот, понудата на јавен превоз, понудата на локални производи на пазарите.
Споредено со другите градови, Виена предничи во однос на идеите за мобилност и за парковите, но и по тоа што е една од ретките метрополи која има национален парк во рамките на своите граници. А.Р.